'O sole e 'o vico
Taddeo Scalici

Back to the songs index - | -Torna all'indice delle canzoni

Testo di Luciano Somma
Musica di Taddeo Scalici

Là ‘ncoppa ce sta ‘o sole e cca ‘sta ‘o vico
Addo’ se nasce cresce e nun se vola
Addo’ ‘o muschillo e’ sempe cchiù nemico
E d’’a camorra è professore ‘e scola.

‘E vvote nun arriva a diciottanne
pe’ nu sgarro ‘e camorra o pe’ na sòla
è ‘o russo ‘nterra , dint’’e vasce ‘o ssanno
è sanghe ! Nun è zuco e pummarola !

Chesta città cu’’a capa ‘int’’a cullina
Cu’ ‘e piede ‘nfuse dint’all’acqua ‘e mare
È na fotografia p’’a cartulina
Che fa vedè tanti bellezze rare…

Ma ‘ncuorpo tene ‘e vierme dint’’a panza
Ca strisceno p’’e strade ,’int’’e quartiere
So pisce piccerille , so’’e paranza
songhe gocce ‘e veleno ‘int’’o bicchiere .

Ellera marcia che s’attacca ‘e mmura
Già pe’ nu terremoto sfravecate ,
e chella che fa mettere paura
e’ na lanterna ‘mmano a sti cecate.

Ca po’ da luce sulo ‘a frenesia
Cercanno ‘o suono ‘e nu mutivo antico
Ma nun se sana chesta malatia
Si ‘o sole sta là ‘ncoppa e ccà sta ‘o vico .

Luciano Somma


Who We Are - | - Southern Italian Immigration - | - Names on the Families Who Emigrated - | - Growing Up Italian American - | - Lodging in Campania & Southern Italy

Italian Dual Citizenship - | - Italian American Writers - | - Translations - | - Neapolitan Music